'Ka aktorë që dalin nga shinat', Arjola Demiri i përgjigjet Ledio Lakos pas ironisë
Ledio Lako dhe Arjola Demiri duket se i kanë rregulluar marrëdhëniet pasi aktori e thumboi ish-banoren e “Big Brother VIP” në një nga intervistat e tij të fundit.
Lako festoi ditëlindjen dhe Arjola e ka uruar publikisht: “Urime ditëlindjen. Me çfarë të do e bardha zemër”.
“Rrofsh! Edhe të mbajmë shinat e këtij rrugëtimi fort…”, i është përgjigjur aktori duke përmendur edhe deklaratën e tij.
U tha se Ledio e ironizoi Arjolën në një intervistë në "Wake up", ku u shpreh: "Në gjithë rrugën e artit po hyre është një rrugë pa kthim. Por, ka shina. Kush aktor është i disiplinuar di t’i mbajë shinat, ka shumë të tjerë që duan të dalin në det, duan të bëjnë koris të reja...".
Fjalët erdhën pikërisht pas deklaratës së Arjolës në "Big Brother", duke u shprehur se ëndrra e saj është të jetë prezantuese e “Portokallisë”.
Kjo deklaratë ngjalli shumë reagime asokohe, mes tyre Lisa Kujovska dhe Renada Caci. Lisa thumboi Arjolën duke bërë një paralelizëm me aktoren e famshme Sofia Loren, e cila thotë se në të vërtetë aktrimi është shumë më lart sesa prezantimi.
Ndërsa me Renadën, Arjola pati disa përplasje.
“Ajo është xheloze profesionalisht. Unë e kam pasur shumë qejf, e së bashku me të dhe Albanën që e kam mikeshë, por ajo shpreh xhelozi. Unë s’kam gjë për ti thënë nëse ajo ka le të ma thotë mua”, tha Arjola.
Pak më vonë reagoi edhe Renada, e cila shprehej se nuk është xheloze për askënd.
“Kam 13 vjet që bëj rolet e mia. Xheloze unë për dikë? Aq më tepër për filanen. Kështu që vajzë e mbarë rri urtë ose ik nga ke ardhur, ca të them unë s’je për atë punë. Dhe më lini rehat se jam në botën time, jam shumë mirë. Mos më përmend më nëpër emisione”, ka thënë aktorja.
