Dikush i quajti çift në mes të emisionit, si reaguan Ori Nebijaj dhe Isli Islami

Shpeshherë është dyshuar për një raport më shumë se miqësor mes Ori Nebijajt dhe Isli Islamit. Dyshja nuk i kanë konfirmuar kurrë këto zëra, por thashethemet kanë vazhduar. Së fundmi në emisionin e tyre “Wake Up”, ndodhi një situatë e papritur për të dy.

Kur po realizonin një lojë me telefonata me teleshikuesit, një telefonuese iu tha: “Jeni çfiti më i këndshëm televiziv”.

“Shyqyr që e specifikove, ‘televiziv’, i tha Isli, teksa Ori shtoi “E pra, ashtu jemi”, duke dashur ta mbyllë këtë temë. 

Pak kohë më parë, Ori tha në një intervistë se ajo dhe Isli janë thjesht miq shumë të mirë. Ndonëse pranoi se me Islin ka vërtetë shumë kimi, shtoi se nuk ka asgjë më shumë përtej miqësisë së tyre.

“Ne kemi shumë kimi, por jemi miq të mirë asgjë më shumë. E dimë që shumë do të donin të na shihnin bashkë dhe si çift, por jo. Ne kemi një kimi shumë të mirë si kolegë që jemi dhe duhet ta dini që kjo është shumë e rrallë mes kolegësh”, tha Ori asokohe.